小b涼拌菜

就嚟凍喇個天氣

朝早、夜晚出去...都好涼吓

就係因為就嚟凍...所以我都post吓我d涼拌菜先...

有d係之前影落嘅

涼拌花膠海參

涼拌秀珍菇...張相唔知做乜倒轉咗

涼拌紅蘿蔔木耳青瓜 

仲有一d無影到...

有涼拌茄子、涼拌牛筋、醉雞翼、醉鴨舌......等

老實講......依家講講吓又想再整...哈哈!!



麵包蟹

今日...要返工啊..無辦法啦...隻兔玩嘢..

我呢邊一滴風都無...搞到我仲做哂防風措施添

好啦...講番隻蟹先

我喺數字屋度買...我呢邊又新開咗一間呀

家人唔講...都真係唔知呀

入到去...好多人圍住個凍櫃

原來個個都揀緊麵色蟹...

我買咗兩隻試吓...



好多膏啊...其實個蟹蓋仲多...

只係家人食緊...所以無影到

今日返到公司講開...

原來同事們都有買到...

仲話有d蟹無膏嘅...所以要撞手神..

噢...咁唔知我仲有隻蟹...有無膏膏呢

頭先收工再去睇吓..趁仲有折..順便買多幾隻

但去到已無哂lu....真搶手呀!!

3號風球下

今日星期日...我瞓到11點至起身...

因為瞓得好舒服呀...可能我呢幾日實在太夜瞓喇!!

頭先落街食嘢...周圍都好多人...除咗街市仲有菜賣...
我見超市、凍肉舖果d已搶購一空...
其實除咗菜之外...被搶購一空嘅仲有黐窗口嘅膠紙
好彩我尋日買咗...仲要係最後一卷添...可能今日真係會難買d...
夜晚..剛掛3號時已黐好哂...總算安心啦
但望出去對面d樓...竟然無乜人黐窗口喎...搞到我好似好誇張咁...哈哈!!
不過頭先行過d商舖..好多已貼哂膠紙...突然覺得呢隻兔真係好勁咁

希望隻兔惡還惡...唔好搞到太多傷亡就得喇~~



天兔

就嚟打風喇...唔知大家準備好未呢??

我已準備得7788喇...

除咗一次過買咗兩三日餸之外..

仲買埋膠紙黐窗口...

其實上次10號果陣都無事...但今次隻天兔...聽講好似好勁咁...

都係做足安全措施安心d....

係喇....啱啱過咗中秋...大家玩得盡唔盡慶、有無食滯呢??^^

而我呢...就好攰呀...呢兩晚都係凌晨3-4點先至瞓

所以今晚就邊度都唔去....乖乖哋早d唞....



中秋節2013

hi...今日係中秋節呀

你哋準備好今晚嘅節目未呢??^^

而我呢...除咗已經將屋企掛滿哂傳統嘅燈籠之外

都係食完飯去行吓公園、賞吓月

感受吓中秋嘅氣氛...

我小b在始祝大家中秋節快樂!!!

紅檀魚湯

呢排成日聽同事講得最多嘅

就係呢d紅檀魚喇....佢哋話補血喎

一條條紅色嘅....樣子真係不討好

我聽佢哋講...買咗返嚟仲要自己劏

因為細條嘅關係...好多魚檔都唔劏

我一聽到呢度...就已對佢興趣減半喇....因為我懶囉!!

跟住...有一次經過某魚檔...

竟然有劏好咗嘅紅檀賣...我當然即刻咗份啦

返到屋企加d瓜、蕃茄等......滾個魚湯飲吓先 

老實講...第一次試呢隻魚...唔知有幾補血呢??

榴槤布甸



放假日...我整咗榴槤布甸呀

用牛奶同忌廉整...好滑啊

再喺面層放多羹果肉嚟裝飾

真係有d似食緊雪糕咁...

依家呢...榴槤唔係當造期...所以唔係周圍都有得賣

我揾咗好多間超市...結果喺吉吉島同華潤買到...總算好彩啦~~

其實都係自己衰...

佢最當造、最多人賣、最通街都係嘅時候

我又唔想買喎~~諗起都覺自己衰呀....哈哈!!

我買呢隻係金枕頭...佢陣味真係好大呀

總之一出就聞到陣味...好尷尬呀真係

花時間好方法

自從由yahoo搬嚟呢度之後
每次搞呢個blog都花咗我唔少時間...
我真係覺得佢好麻煩...其實可能係我未慣啦
又可能係我蠢啦.......
眼見好多人嘅blog都搞得好好...又多blog友
而自己呢個....就總係冷清清咁
老實講...呢排對佢真係幾洩氣
我已經盡量令自己好似之前喺yahoo度咁..成日寫喇

希望自己可以更加適應呢度啦~~

試新嘢

同一日入面...試咗兩樣新嘅產品

第一樣係清熱酷新出嘅菊花味涼茶

味道同銀菊露差唔多

                                    第二樣係麥叔叔嘅芒果新地
                           其實上次都出過...但因為自己咳緊所以...就錯過咗....

今次難得再出番...當然要試啦

初初有d嫌佢加咗棉花糖

但食落又覺幾好味..

 不過始終我嘅最愛都係朱古力味

芒果奶

尋日收工後...早咗dd返到屋企

距離食晚飯時間仲有好幾個鐘

所以整咗杯芒果奶頂吓肚先...

呢杯嘢喺許x山度賣成廿蚊杯

食水真係深呀

就好似海x堂咁..

根本就唔值咁貴...又賣哂廣告話係堅嘅

結果都係流嘅...仲超恐怖添!!

好彩我一向嫌佢貴...無乜點幫襯過啫

哈哈~~飲完呢杯芒果奶真係好飽呀...點算!!

煲冬瓜.......湯

就係因為覺得...天氣仲熱熱哋

成家人都好似好火、好熱氣咁

所以就煲番個冬瓜湯飲吓先

飲完...成個人都"謝"哂....哈哈!!

要對自己好d

首先講吓...

我換咗背景啊...因為已秋天喇←←雖然出面仲好熱

所以換個有秋天feel嘅先

搞埋其他設置...都搞到好耐

我真係發覺原來我都幾電腦白痴

不過我會努力的~~

講番正題

早兩日放假...家人去開買海味

於是佢就順便買咗呢個俾我

呢一両全都係我食咁滯

因為家人們個個都唔食嘅

其實呢個正買得合時

因為屋企嘅存貨就嚟無哂

咁就...等我得閒先整嚟食啦

因我呢期有好多種食物都想趁冬天前整嚟食

噢....突然覺得自己真係超為食.......

哈哈!!

我的感覺

老實講...自從搬咗嚟呢度之後...
總係無以前咁大興趣寫blog...
以前我一有乜嘢...就好想即刻同大家分享
有時每日都會寫1至2post...
但依家呢.....ummm........
原因有好多...未玩慣、好多版面模式令我唔多like、以前嘅blog友未到齊....
仲有一d嘅....但唔喺呢度詳盡喇

雖然係咁....但我都會繼續努力去適應呢度....
給自己加油!!

落完雨未??

究竟落完雨未呢??
今朝叫做好彩啦...返工時只係天陰陰
係啱啱返到就開始落喇...到依家都未停
因為落雨...天氣都涼咗好多
吹來嘅風都舒服d....

炒薯絲

放咗工返到屋企....好似好攰咁

真係唔多想郁...可能天氣影響啦

但都要食晚餐

開雪櫃睇吓有乜剩餘物資

噢...剛剛足夠一餐晚飯

咁就炒多個薯仔絲啦

算係交足貨



悅榕庄

自從yahoo blog就嚟摺埋之後...

搞到無乜心機寫呀!!

今日終於的起心肝早d返嚟

繼續研究一吓呢個新blog

今日就試吓入多少少相睇吓o唔ok先

我就入番早前嘅少少澳門相

順便開始要喺度留下回憶

今次嘅hotel係free嘅...係銀河悅榕庄

一出嘅走廊...好靜呀

門口的裝飾

房內

原來都超貴的

房內仲有呢個悅心池

超正!!!!!!